一年又過去，50周年作幪面超人Revice 播映完畢
雖然已經不是幪面超人的粉絲
(對上一次買的腰帶是Zero-one)
但是都有收看節目
以下是一點個人感想
簡單一句， Revice是一部虎頭蛇尾的作品
前期很多人讚賞
中後期劇情開始被網民吐槽
到最後感覺更是慘至被人遺棄
由Youtubers的 "最後一集捱埋佢" 、"死因調查"和 "玩L完" 等等
可以見評價是差的
回想起上年9月開播，敵役女王淺倉唯、主角一家人角色、伏線到路人牛島家
Revice的型態造型、劇情
全部都是好評如潮，Youtuber會話 "好好睇"
到中段開始， Youtuber會直播話 "計中計中計，都OK，但有點膩"
和 "始終年番好難keep住高潮起伏，通常會有段過度期，劇情會開始慢落黎" 之類
到中後期，大二黑化加Giff收皮
再到最後George突然變掛、賣Juuga和Vice強行催淚退場
我都食住花生留意網民和Youtuber的評價
其中有一點我都很同意，是由中期劇情未開始走下坡的時候
有人話過，Revice好似冇乜劇情係做到令人留下深刻印象
但可惜的是，我相信中後期的劇情，有些會令人留下深刻印象
因為實在太奇怪
同時，近4-5年，幪面超人好似完全沒有太黑暗的感覺，
即是有主角色即時死亡！被敵人打到觀眾都感受到無力感
而且該主角色，永遠退場唔會重返劇組
近年，始終有種兒童向和皆大歡喜好姨的光環包圍，一定係BBQ好結局
所以即使寫到那個角色消失，到後來都會重返劇組
希望來年新作品，會帶有黑暗的感覺，始終玩生存遊戲
一部作品在香港，可以從最膚淺的角度去看
當年的年番，若是好好睇，相關的玩具會較好賣
從上年初頭大二陽炎的Two Sidriver
到門田的魂限Demon Driver
我有留意到幾好賣，什至是炒起！
但現在完結了，只要上拍賣網search "DX revice"
就會看到不少人平賣其DX玩具
連當時好評如潮，即將再版的Demon Driver都被人放單
買幪面超人DX玩具 魂限商品，近年好似變成投資
你睇到第10集，個新幪面超人型到仆街，Bandai星期一開訂變身玩具
訂完5個月後出貨，到時播到30幾集
你無訂、到時Hit起你食炒價，你訂左到時套劇暴走，你會諗：點解當時會訂既?
每年不停重覆又重覆經歷，都算係一種學習
反正到最後一定是商家(笨大)Win
簡單一句，鍾意就買
我感覺近3/4年，東映與笨大賣幪面超人的玩具已經去到走火入魔的境地
想推出更多更多玩具產品，今年要比上年賣更多！(做更好條數)
推出更多用完即棄的廢Form是基本功
之後最簡單就是人人都可以變身！
搵幾個路人變身，用1-2集表演下就可以
只要有客(觀眾)有新鮮感、代入感，肯買玩商品就OK！
再加插前傳，番外傳，劇場版，Blue-ray後傳
同時可以收費會員頻道、又可以賣玩具，正！
一年如果陰乾你至少$3000-4000就算成功
所以我近年已經無再買幪面超人玩具
最大問題一定係空間，其次係新鮮感冷卻之後
東映與笨大成功令我望到新幪面超人玩具會頭痛，唔買就開心
SHF都是一樣，Display左一段時間，然後太多、新鮮感冷卻之後
發現原來都不是那麼愛，當然，愛的、經典的還是會留下
另一方面我同意Youtuber的說法，Revice加入太多角色
有點One Piece的感覺
太大想頭，但又Handle唔到
太多元素想寫，家人，內心黑暗面，奸變忠，正義，女權，白合，BL，
大叔的愛，對老豆的挑戰，無名的人默默守候，無名的人想成為英雄等等
要融合這方面當然要考編劇的功力
但又受到兒童向不能太黑暗的限制 (和東映/事務所/市場走向等等的影響)
要寫好一部好的幪面超人作品很有難度，要集天時地利人和
試問近年有那一套幪面超人是佳作? 人人推薦? 我都唔係好留意到
戰隊這邊賣玩具的壓力和對劇情的要求，相對少很多
編劇可以更自由寫自己喜歡的，創作空間反而更大
玩具買完都係一千幾百，又冷門無人搶
睇完 成套劇集再買玩具又可以
劇情兒童向
特攝都是簡簡單單開心歡笑又一星期適合我